|
| 終於5月12號考完最後一科 (CDS251 digital photography), 完成整個大學生涯
呢兩年向前行行得好慢, 向後望卻只係剎那間既事情, 曾經想快一點畢業, 卻又知道出黎社會之後會想番番去讀書, 始終出黎社會辛苦嘛. 不過宜家都係想出黎做野, 讀左咁多年為乜, 都係為左搵份工而已, 作為一個成人, 冇工作就連自己都養活唔到.
考完試之後留o係屋企養病, 其實一直都病住去考試, 真係好辛苦, 又要忍咳唔想嘈到其他人考試, 半夜又咳到醒, 日日都冇乜精神咁去考, 當答完仲有時間睇番, 發覺好多字都串錯寫漏左, 例如then, 寫成the, 希望各位professor手下留情.
岩岩諗起有兩句野...
第一句係: 老人既經驗, 道理你要聽, 不聽老人言吃虧在眼前嘛
第二句係: 你要突破固有既想法, 跳出上一代既框框, 先可以創出自己既一片天
大約係咁既意思...
我遇到呢個難題...
| | |
|
今日放左學同老豆過深圳買書, 買左3本, 如果o係香港買繁體字要600蚊...英文字要700蚊, 我只係比左119.8RMB, 抵到嘔...之後搭車番去世界之x果邊, 行對面新開個商場, 入邊好多名店, 有d仲未見過, 真係好貴呀d野, 30000RMB一套西裝, 而入邊既sales一年人工都未必買到一套, 痴線!! 不過呢個商場冇人行...我諗只係擺間店o係度建立品牌知名度而已~
之後行過幾百米遠既地方買蒜頭, 當問完價$之後我真係好唔開心, 一斤一蚊, 農民辛辛苦苦種幾個月又要種子又要淋水仲要面對失收既風險先可能賣到幾毫子, 再經批發零售最後價$係1蚊咁既賤價...一套西裝值3萬?! 吊那星丫!! 雖然我都覺得呢個世界總有人窮總有人富有, 資本主義社會底下最細既餅都比共產底下既每一塊大, 但咁樣對比似乎侮辱左值得尊敬既農民佢地勞力既付出, 一個品牌既建立當然唔容易亦投入好多成本, 但個差距實在太大, 天同深淵之比...
希望中國既農業改革真係幫到8億農民改善生活, 希望佢地活得開心...中國唔好再成日copy人, 創立自己既品牌好過啦!!
| | |
| 年30果日踢波, 因為跑姿問題, 腳後跟同內側爆血管, 瘀得好緊要
年尾陪屋企人去街市, 兩次, 因為地下太濕, 扭傷左右兩邊膝頭, 加上本身右腳既舊患...
宜家一對腳4個傷位...唉...
| | |
| 新既一年, 目標係:
1. second lower畢業
2. 搵份岩自己既工, 人工唔好低過8k
3. 畢業旅行去一次國外遊+一次國內遊
4. ielts有6.5, 普通話乙級
願望係: 經濟好轉, 身體健康, 世界少一點衝突, 少一點污染
| | |
| 如果要回顧2008年, 實在太多野值得回顧, 比往年真係多好多...
http://hk.youtube.com/watch?v=PLaTH6n4NoU
以上係一個做得好好既回顧...
對我黎講08年既大事第一一定係四川大地震, 第二係北京奧運, 第三係值得尊敬,
捨己救人既消防員蕭永方, 陳兆龍--對比番警隊同整個公務員團體, 仲有好多既事
發生...例如金額海嘯, 奧巴馬當選, 三聚氰氨奶, 雨雪災等等...
感想既野留番o係個心...希望明年唔好再發生咁多令人傷心, 心痛既事...
睇番四川地震既片段都仲係好傷心...唉...不過今年都睇到自己既祖國真係強大左好多
以後唔洗再睇人面色...真係好!!
今年仲讀左科經濟係關於中國既經濟發展, 自選presnet topic係農村改革, 做既時候先
知原來城鄉貧富差距去到3:1, 計埋福利保障仲去到5:1甚至6:1, 好彩有金融海嘯令出
口下降提醒中央要推動內需, 如果唔係農業改革都唔知會唔會今年實施, 希望貧富差距
唔好咁大, 人人都有餐溫飽啦...
| | |
|
